أنا في خفا دايا مَيْقود

نا في خفا دايا ميّْقود
في الجاشْ مصْهُوْد
وقِردي هوىَ ذبّالات سودْ
***
نا في خفا دايا لهّاب
دايِرْ مِشْهاب
وْقِردي هوى صَقّال النابْ
وْيَالِنْدْرا خُوها ذْيابْ
بُو خُرْصْ وْعْقُودْ
زْعَمْ خانيّْ وَالَّلا مَجْحُود
***
نا في خفىَ دايا يارِيْدْ
نَكْماهْ وِيْزيْدْ
وِقِردي هوىَ سِمْحْ الْتّهميْد
وْياناقْلَة سِلعةْ بُوزيدْ
دَقَقْلِيْ الْعُودْ
وِين مايْبي بارودَهْ يْنوضْ
***
نا في خفا دايا مَدهُوسْ
يقْطَعْ كمَا المُوسْ
وْقِردي هوى سِمْحْ عَسُّوسْ
يَلقُوهْ مَمْدُودْ
وْيِسْتاقْظُوا لْيا كَانوا رْقُودْ
***
أنَا في خفا دايا يْقْتِلْ
في الْقَلْبْ يِشْعِلْ
هوى ما تْطيْقه حتّى الْبِلْ
وْنا دايْ مِن شابَّه لارْيَّلْ
تْحَلّق على اللّوُدْ
وكان ما لقيته راهو مجحود
***
نا في خفا دايا وقَّاد
وْفايِتْ الْحْدَاد
غلاءْ وِلْفْتيْ حِلْوِ الْميْعادْ
والله يالولا الْحِسّاد
نّْقْطَّع الْقُيود
نْجِيها قْبالَةْ ماعلَيّا جْحُودْ